放大假前一班機,派完第一餐客艙熄哂燈,廚房得返豆腐一個人,正當眼瞓到要瞓著之際,突然「叮」一聲有CallLight喎,咁咪仆出去應啦,係一個中國大叔喎
大叔「好吵耳,睡不了呀」
但眼見成個Zone嘅客頂多得十個人醒左,何來有人嘈住佢呢?!
豆腐「先生,是誰那麼吵耳呢?」
大叔「很吵很吵…這裡呀,嗚嗚嗚嗚,聽不到嗎?」
正當豆腐以為七月流流,個呀叔聽到乜野嗚嗚聲之際,原來嗰啲嗚嗚聲係指個引擎發出嘅重低音…
豆腐「先生,那是引擎發出的聲音,是正常的」
大叔「可以叫他安靜一點嗎?」
豆腐「先生,引擎不是人,它起動就會有聲音的」
大叔「那這個引擎可以關掉嗎?」
豆腐「關掉就沒動力,然後飛機就掉到地上了」
大叔「關一半會好一點吧,我怕吵醒其他人,你們就會很忙」
豆腐「我給你耳塞吧,乖乖睡覺吧」
過左一陣,呢位大叔真係好乖咁訓返,一路訓到第二餐都冇食,可能有人會笑個大叔無知,但豆腐覺得雖然大叔無學識,起碼大叔心地好,識得關心同體諒人 😎
原來已經放左兩個禮拜大假,可能冇壓力搞到肥左好多,點算 😭😭😭
Search